नाशिक कुंभमेळ्यासाठी विद्यार्थ्यांकडून सक्तीने काम करून घेऊन त्याबदल्यात गुण देण्याचा, विद्यार्थ्यांच्या हक्कांवर अन्याय करणारा आदेश सावित्रीबाई फुले पुणे विद्यापीठाला रद्द करावा लागला. हा आदेश म्हणजे शोषणाला प्रोत्साहन देणारा होता, आणि त्याविरोधात रिपब्लिकन विद्यार्थी सेनेने ठाम भूमिका घेतली.
हा केवळ आदेश रद्द झाल्याचा मुद्दा नसून, विद्यार्थ्यांच्या हक्कांसाठी मिळवलेला एक महत्त्वाचा विजय आहे.
इंदू मिल स्मारकाचे प्रणेते आनंदराज आंबेडकर यांच्या विचारांनी प्रेरित होऊन, रिपब्लिकन विद्यार्थी सेनेचे प्रदेशाध्यक्ष विवेक बनसोडे यांच्या नेतृत्वाखाली हे आंदोलन प्रभावीपणे उभे राहिले आणि सत्तेला माघार घ्यायला भाग पाडले. शिक्षण म्हणजे स्वातंत्र्य, विवेक आणि संविधानिक मूल्ये.
विद्यार्थ्यांच्या हक्कांवर आघात झाला, तर रिपब्लिकन विद्यार्थी सेना गप्प बसणार नाही असा इशारा रिपब्लिकन विद्यार्थी सेना प्रदेशाध्यक्ष विवेक बनसोडे यांनी दिला आहे.
