रिपब्लिकन सेनेची सोलापूर शहर व जिल्हा कार्यकारणी जाहीर

सोलापूर जिल्हा प्रतिनिधी:सोलापूर येथे सरसेनानी आनंदराज आंबेडकर साहेब आणि युवा नेते अमन आंबेडकर साहेब यांच्या नेतृत्वाखाली बुधवार दि. 13 मे रोजी रिपब्लिकन सेनेची बैठक महाराष्ट्र प्रदेशाध्यक्ष डॉ. सुशील सूर्यवंशी, यांच्या सह महाराष्ट्र प्रदेश सचिव सोमनाथ अरुण भोसले यांच्या प्रमुख उपस्थितीत तसेच सोलापूर लोकसभा जिल्हाध्यक्ष अमित कांबळे यांच्या अध्यक्षतेखाली शासकीय विश्रामगृह, सोलापूर येथे संपन्न झाली.

संघटन मजबूती व पक्ष विस्ताराच्या दृष्टीने सोलापूर शहर व जिल्ह्यातील विविध महत्वपूर्ण पदांवर नव्या पदाधिकाऱ्यांची निवड करण्यात आली.

सोलापूर शहरात विविध नेतृत्वाची निवड करण्यात आली ज्यामध्ये सोलापूर शहराध्यक्ष – शरणु हजारे,शहर उपाध्यक्ष – किरण जौंजट,शहर संपर्कप्रमुख – विकी बनसोडे,शहर मीडिया प्रमुख – सद्दाम पठाण,अल्पसंख्याक महिला शहराध्यक्षा रेश्मा मंगलगिरी यांची प्रमुख नियुक्ती करण्यात आली.त्याचबरोबर सोलापूर जिल्हा व लोकसभा क्षेत्रात सुद्धा विविध पदांवर पुढील प्रमाणे निवड करण्यात आली.सोलापूर लोकसभा युवक जिल्हाध्यक्ष-विश्वजीत सरवदे,सोलापूर लोकसभा अल्पसंख्याक जिल्हाध्यक्ष – महीबूब शेख,सोलापूर लोकसभा संघटक – सिद्धार्थ कांबळे,सोलापूर लोकसभा जिल्हा संघटक दाऊद मुलाणी,दक्षिण सोलापूर तालुका अध्यक्ष वाहिद मुस्तफा,तसेच माढा लोकसभा महिला जिल्हाध्यक्ष पदी कुर्डवाडीच्या आशाताई रिकिबे यांची निवड करण्यात आली.

निवड झालेल्या सर्व पदाधिकाऱ्यांना अमित कांबळे यांच्या हस्ते आणि आशाताई रिकीबे यांना सोमनाथ भोसले यांच्या हस्ते निवडीचे प्रमाणपत्र प्रदान करण्यात आले, याप्रसंगी सर्व नवीन पदाधिकाऱ्यांचा सत्कार करून त्यांना पुढील सामाजिक व संघटनात्मक कार्यासाठी शुभेच्छा देत एकजुटीने राहून निरंतर कार्य करत राहण्याचा संदेश दिला.