ह.भ.प.गणेश महाराज शेडगे (मृदंग अलंकार) यांना “श्री भैरवनाथ सन्मान” गौरव पुरस्कार प्रदान

पुणे शहर प्रतिनिधी: बाणेर नागरी सहकारी पतसंस्था मर्या. बाणेर, यांच्या २८ व्या वर्धापन दिनानिमित्त, “श्री भैरवनाथ सन्मान” गौरव पुरस्कार, ह.भ.प.श्री. गणेश नामदेव शेडगे (मृदंग अलंकार) यांना, मंगळवार दि. १/९/२०२६ रोजी, कुंदन गार्डन बाणेर येथे, महाराष्ट्र भूषण, मृदंग महर्षी, ह.भ.प.श्री. पांडुरंग आप्पा दातार, (भोर- राजगड- मुळशी) विद्यमान आमदार श्री. शंकर भाऊ मांडेकर, ह.भ.प. आबासाहेब कोळेकर, माजी आमदार श्री. शरदराव ढमाले, संतसेवक ह.भ.प. मारुती दादा कोकाटे, पुणे जिल्हा शिवसेना प्रमुख श्री. बाळासाहेब चांदरे यांच्या हस्ते देण्यात आला.

गणेश महाराज शेडगे हे विद्यार्थी दशेपासून संत साहित्य, अध्यात्मिक, प्रवचनकार यांच्या सानिध्यात मृदंग वादन करीत असून मृदंग शिक्षणाचे धडे सुद्धा ते देत आहेत. त्यांच्या मार्गदर्शनाखाली शेकडो विद्यार्थ्यांनी मृदंग वादन कला आत्मसात केलेली आहे.